కళాతపస్వి...

పెద్ద పండుగ...

పెద్ద పండుగ, పెద్ద పండుగ!
పెద్ద పండుగ, పేరు దండుగ!

తిండి లేక దిక్కు లేక
దేవులాడే దీన జనులకు
పండుగెక్కడ? పబ్బమెక్కడ?

ఎండు డొక్కల పుండు రెక్కల
బండ బతుకుల బానిసిండ్రకు
పండుగేమిటి? పబ్బమేమిటి?

ఉండడానికి గూడులేక
ఎండ వానల దేబిరించే
హీనజనులకు పేదనరులకు
పండగోకటా? పబ్బమొకటా?

పెద్ద పండుగ, పెద్ద పండుగ!
పెద్ద పండుగ, శుద్ధ దండుగ!

--- పెద్ద పండుగ // మరో ప్రస్థానం [1970]

మనసు గతి ఇంతే...!

అమ్మ సాక్షి ....  నాన్న సాక్షి ....
ఏ జన్మకు చావని ఆశల సాక్షి ...
నాలో నేను ఒకటయ్యాను
ఎదురుపడిన కలను నిజమనుకున్నాను
ఇంతకూ ఎంతవరకీ  పయనం
చావు పుట్టుకలు మధ్య గమనం
అర్ధం పర్ధం లేని ఈ  తతంగం
సంగతేంటో తేల్చని అంతరంగం
అపురూపమైనది మురిపించే జీవన గానం
అన్వేషణలో తేలిన సత్యం ఒక్కటే
మనిషి మనసొక అగాధం
మనిషికి మనసే బలహీనం , బలోపేతం
నిత్యం నైరాశ్యం అయినా
మరో జన్మకై తపించే సుందర స్వప్నం

Source: Yashoda